வவுனியா மாவட்ட பூப்பந்தாட்ட சுற்றுப்போட்டி 2019

இவ்வருடம் உலகத் தமிழர் பூப்பந்தாட்ட பேரவையின் (WTBF )சுவிஸ்கிளையினால் வவுனியா மாவட்ட Badminton துறையை ஊக்குவிக்கும் முகமாக வவுனியா மாவட்ட பூப்பந்தாட்டப் போட்டி கடந்த மாசி மாதம் 23,24 ஆகிய திகதிகளில் இருநாட்களாக வவுனியா நகரசபை உள்ளரங்கு மற்றும் வவுனியா பல்கலைக்கழக உள்ளரங்கு ஆகிய மைதானங்களில் வவுனியா மாவட்ட பூப்பந்தாட்ட சங்க உபதலைவர் டாக்டர் ஹரிஹரன் தலைமையில் நடாத்தப்பட்டது .

இதில் ஆரம்பநாள் நிகழ்வில் திரு சஜித்திரா (வவுனியா நகரசபைத்தலைவரின் தனிப்பட்ட செயலாளர் ) டாக்டர் டேமின்ஜன் ஆகியோர் விருந்தினர்களாக கலந்து சிறப்பித்திருந்தார்கள் . போட்டிகள் யாவும் வடமாகாண பூப்பந்தாட்ட பயிற்றுனரும் WTBFஇன் இலங்கைக்கிளை தலைவருமான திரு கமலன் அவர்கள் மேற்பார்வையில் நடைபெற்றது .

இறுதிநாள் நிகழ்வில் வவுனியா மாவட்ட பூப்பந்தாட்ட சங்க தலைவர் திரு முரளிதரன் ,உபதலைவர் டாக்டர் ஹரிஹரன் ,பொருளாளர் டாக்டர் பிரசாத் ,சுபாஸ் ஆகியோர் விருந்தினர்களாக கலந்து சிறப்பித்திருந்தார்கள் .சிறப்பு விருந்தினர்களாக உலகத் தமிழர் பூப்பந்தாட்டப்பேரவையின் WTBF முக்கியஸ்தர்களான திரு நவரட்ணம் ஶ்ரீநாராயணதாஸ் ( தாஸ் )திருமதி வத்சலா ரட்ணா ஆகியோர் கனடாவில் இருந்து வருகைதந்து சிறப்பித்து ஊக்குவித்திருந்தார்கள்.

இந்த போட்டிகள் 22 பிரிவுகளாக ( ஆண் /பெண் )நடாத்தப்பட்டது .
இதில் பங்குபற்றிய அனைவரும் சிறப்பாக தங்களை தங்களது திறமைகளை வெளிப்படுத்தியிருந்தார்கள்
குறிப்பாக இதுவரை எந்தப்போட்டியிலும் கலந்துகொள்ளாதவர்களிற்குமென வும் ஓர் பிரிவு ஏற்படுத்தப்பட்டு போட்டிகள் நடாத்தப்பட்டது .

இந்த சுற்றுப் போட்டியினை வவுனியா மாவட்ட badminton association உலகத்தமிழர் பூப்பந்தாட்ட இலங்கைக்கிளை
( WTBF Srilanka Branch)ஆகியோர் இணைந்து நெறிப்படுத்தியிருந்தார்கள் .

உலகத் தமிழர்பூப்பந்தாட்டப்பேரவையானது ( WTBF ) தமது வெளிநாட்டுக்கிளை ஒவ்வொன்றினூடாகவும் வடக்கு கிழக்கு பகுதியொவ்வொன்றும் தேர்ந்தெடுக்கப்பட்டு இவ்வாறான மாவட்டமட்ட ஊக்குவிப்புக்களை ஒழுங்கமைத்துவருவது குறிப்பிடத்தக்கது .

இவ்வகையில் இப்போட்டிக்கு உறுதுணையாக இருந்த WTBF இன் சுவிஸ் கிளை அமைப்பினர் அனைவர்க்கும் மனம் நிறைவான பாராட்டுக்களும் நன்றியும்.